Ndërsa Dega Ekzekutive e Bashkimit Evropian, Komisioni Evropian është haptazi pro-Uashingtonit, 2 fuqitë dhe ekonomitë më të mëdha të bllokut Gjermania dhe Franca kanë bashkuar forcat së fundmi kundër disa politikave kyçe të presidentit Biden.
Berlini dhe Parisi kanë bërë gjithashtu një paralajmërim ndaj Shteteve të Bashkuara duke dërguar edhe një mesazh për Bashkimin Evropian se ai duhet të fillojë të veprojë për të mbrojtur interesat e evropianëve mbi të gjitha.
Si Macron ashtu edhe Scholz kanë pasur mosmarrëveshje të forta me njëri-tjetrin për një sërë çështjesh, por acarimi i tyre me Joe Biden duket se po bashkon dy liderët më të fuqishëm të Evropës.
Të mërkurën, gjatë një dreke të gjatë pune, presidenti francez Emanuel Macron dhe kancelari gjerman Olaf Scholz ranë dakord që disa plane të fundit të subvencioneve amerikane përfaqësojnë masa deformuese të tregut që synojnë të bindin kompanitë të zhvendosin prodhimin e tyre nga Europa drejt Shteteve të Bashkuara.
